Opinions divided over 2018 Manx Budget

Barelyn scarrit er Claare Argidoil Vannin 2018

Shirveishagh Tashtee jannoo cummey jeh plan argidoil son y vlein

Claare Argidoil Vannin 2018, ta coontey er ve currit jee myr fer dy 'ghialdinyn brisht' liorish Lawrie Hooper.

Va'n OCF ass-lieh Rhumsaa cremmey dy elgyssagh oraid y Hirveishagh Tashtee Alfred Cannan ayns Tinvaal Jemayrt.

Dooyrt eh dy jinnagh ny t'aynjee cur argid neu-reggyrtagh son yn chirveish claynt, chionney er couyryn ny meoiryn shee as jannoo er cosneydeyryn-meanagh ny screoi.

Agh ta oraid y chlaare argidoil er scarrey barelyn 'sy chamyr Tinvaal, lesh fir elley loayrt ayns foayr jeh.

Ta ny ard-vreeyn goaill stiagh bishaghey lowanseyn keesh persoonagh liorish £750, penshyn steat Vannin lesh straih sengyl liorish Mee Averil 2019, as reaghey claareyn argidoil rere tosheeaghtyn ny rheynnyn.

Ta Shirveishagh yn RCBE (Rheynn Chymmyltaght, Bee as Eirinys) Geoffrey Boot moylley y chlaare argidoil son tannaghtyn lesh currymyn coardit hannah ec yn reiltys:

AS MNR HOOPER: Roin ta claare argidoil ta reaghey sloo argid son yn Chirveish Claynt Ashoonagh; giarragyn ayns rieughid son ny meoiryn shee ta chionnit hannah; tannaghtyn lesh lhiettrimmysyn er argid faill; tooilley bishaghyn ayns taillaghyn dy chur preays orroosyn ta strepey dy chopal; bishaghyn son foays as penshyn ta berrit er liorish bolgey argidoil. Cha nel veg 'sy chlaare argidoil shoh son sleih ta gobbyr dy ghoaill boggey jeh. Shoh ny claare argidoil dy ghialdinyn brisht as gyn ashlish aynjee.
AS MNR BOOT : Shoh ny claare argidoil ta cormaghey dy kiarailagh eddyr ny femeyn ain ayns traa giare as 'sy traa sodjey, eddyr ny fodmayd fordrail as femeyn sheshoil. She ny claare argidoil ee son fondid ta cur yn argid son yn reiltys dy hannaghtyn lesh goll er oaie dy rea gys yn eiyrtys er ny hoilshaghey magh 'sy Chlaare son yn Reiltys. As shegin dou gra neesht dy vel y Chlaare son yn Reiltys er ve coardit ec y thie ooasle shoh myr y chlaare er-nyn-son ooilley. As ta'n chlaare argidoil shoh cur argid dy phohlldal y chlaare shen as dy chooilleeney ee.


Opinions divided over 2018 Manx Budget

Treasury Minister outlines financial plan for the year

The 2018 Manx Budget has been branded one of 'broken promises' by Lawrie Hooper.

The Ramsey MHK was fiercely critical of Treasury Minister Alfred Cannan's speech in Tynwald on Tuesday.He said the content would provide inadequate funding for the health service, stretch police resources and hit middle-earners hardest.

But the budget speech has split opinion in the Tynwald chamber, with others voicing their support.Key initiatives include personal tax allowances increasing by £750, a new single-tier Manx state pension by April 2019, and priority budgeting for departments.

DEFA Minister Geoffrey Boot praised the budget for sticking to the commitments already agreed to by government: