Ancient site could lift lid on Bronze Age

Oddagh shenn ynnyd soilshaghey Yn Eash Ooha

Ta shenndaaleeyn jerkal cleiy carnane-oanluckee roïe-hendeeagh ayns çheu-heear yn Ellan.

Jedoonee, y nah laa Jerrey Souree, skimmee er ny leeideil liorish y Dr Rachel Crellin as y Dr Chris Fowler, ver ad toshiaght da toghailtey nane ass tree carnaneyn va feddynit ec Cronk Guckley, çheu-mooie Skylley Maayl.

Ass ny hoght feed carnane va feddynit syn Ellan, cha nel agh paart beg jeu er nyn ronsaghey liorish saaseyn jeianagh - ta'n skimmee shoh dy ir-shennaghys geearree yn stayd shoh y chaghlaa.

Ayns yn çhalee shoh, t'ad kiarail ronsaghey ny h-ynnydyn shoh as y stoo t'ayndaue, dy hoiggal ny smoo mychione ny h-Eashyn Noalittagh as Ooah ayns Mannin.

Dinsh y Dr Crellin da Radio Vannin ny oddagh yn skimmee jerkal feddyn: 'Ta shin jerkal dy vel eh goll er-ash dys Yn Eash Ooha, as my s'feer shen, oddagh fooillagh ushylee ve sy charnane, er-nonney oddagh fooillagh losht ve sy charnane. Ny cheayrtyn, ta lheid y fooillagh ayns kishtey-cloaie beg, ny cheayrtyn v'ad currit ayns siyn craie, as ny cheayrtyn ayns ny ta shin shein dy ve nyn boagaghyn organagh ta er loau ersooyl dy bollagh, as foddee nagh bee veg ayn.'


Ancient site could lift lid on Bronze Age

Archaeologists are hoping to unearth a prehistoric burial mound in the west of the Island.

This Sunday, 2 July, a team headed by Dr Rachel Crellin and Dr Cris Fowler will begin excavating one of three mounds found at Cronk Guckley, outside Kirk Michael.

Of the 160 mounds in the Island, few have been examined using modern techniques - something this team of historians wants to change.Their project aims to investigate these sites and artefacts, to understand more about Neolithic and Bronze Age life in the Isle of Man.

Dr Crellin told Manx Radio what the team expect to find: 'We hope to find that it dates from the Bronze Age, and if this is true there could be skeletal remains in the mound, or there could be cremated remains in the mound. Sometimes these remains are housed inside a small stone box, sometimes they're placed inside pottery vessels and sometimes they're in what we presume to have been organic bags that have rotted away, and there might not be anything there.'