UN speech praises 'unique' Manx society

Oraid Ashoonyn Unnaneyssit moylley co-phobble 'gyn cosoylaght' Vannin

Dymmyd y Lhiass-Chiannoort e oraid Laa Ashoonyn Unnaneyssit feed cheead as shey-jeig ,dy voylley, myr t'eh gra rish, ny reddyn 'moylleydagh' jeh bea yn Ellan.

Va'n Reejerey Richard Gozney loayrt ec Thie Tashtee Vannin fastyr Jelune, er y laa eddyr-ashoonagh ta cur ayns cooinaghtyn tree feed as un vlein jeig jeh'n çheshaght ta freayll shee feiy ny cruinney.

As eh jannoo yn startey son shey mee nish, ren leaght E Ooashlys gimraa ennaghtyn yn Ellan jeh 'co-phobble, moyrn as leighaltys' ayns dellal, as ny vondeishyn jeh obbreeyn ynnydagh son leodaghey yn earroo dy leih gyn obbyr gys levallyn nyn 'ashlish nagh beagh ry-roshtyn' ayns ashoonyn lhiasit elley.

Voyll y Kiannoort Tinvaal dy mooar, as eh goaill rish e hennaghys gyn cosoylaght, e hroggalys daa-hamyragh çhionn as e ghenney jeh scoltaghyn 'pyshoonagh'.

Er e hon hene, ta 'appeeys' parlamaidagh jeant ec y chormid eddyr neu-chrogheydys olteynyn Tinvaal, politickaght phartee, unnaneys, as credjue persoonagh.  Ta troo ec ashoonyn beggey elley er yn appeeys shen.

Dimraa eh myrgeddin lughtyn parlamaidagh çheet lesh shilley er Mannin veih çheeraghyn elley, gollrish y fer jeant ec y çhaghteraght Khyber Paktunkhwa ass yn Phakistaan. Dooyrt eh dy row lheid yn eddyr-ashoonaghys shen 'jeeragh ayns spyrryd Chaart ny h-Ashoonyn Unnaneyssit'.

Va'n ayrn s'jerree jeh'n leaght jeerit er onnerid argidoil yn Ellan, er lheh cur bree da reillyn-coontysseyraght gyere as baghtal - cha nel monney jeu shid 'dooghyssagh sy chooid smoo jeh'n teihll'.

Hug y Kiannoort jerrey er yn oraid echey, liorish jerkal dy jinnagh y reiltys noa foast gynsaghey yn cliaghtey argidoil share da reiltyssyn elley, as dy jinnagh eh foast cur cooney argidoil da çheeraghyn elley.

Va'n oraid echey nane jeh ram taghyrtyn cur ayns cooinaghtyn, ghow ayrn Jelune, harrish ny keead, kiare feed as tree-jeig dy steatyn ta nyn olteynyn jeh ny h-Ashoonyn Unnaneyssit.


UN speech praises 'unique' Manx society

The Lieutenant Governor used his 2016 UN Day address to applaud what he calls the 'laudable' quailities of Island life.

Sir Richard Gozney was speaking at the Manx Museum on Monday evening, on the international day commemorating 71 years of the global peacekeeping organisation.

Having now been in the post for six months, His Excellency's lecture touched on some early thoughts and first impressions of Manx society - highlightng three distinct strands he believes give the Island a strong international profile.

His first observation touched on the Island's sense of 'community, pride and loyalty' in business; and the virtues of a parochial workforce in reducing unemployment to levels that would be an 'unattainable dream' for other developed nations.

The Governor also spoke highly of Tynwald: acknowledged its unique history, close-knit bicameral structure and lack of 'poisonous' divisions.
In his view, the balance struck between members' independence, party politics, unity and self-determined conviction makes for a parliamentary 'maturity' envied by other small nations.

He too remarked on parliametary visits, such as a recent one by the Khyber Paktunkhwa delegation of Pakistan, that such 'international activity is much in the spirit of the United Nations Charter'.

The final part of the lecture focused on the Island's financial integrity: specifically the recent implementation of strict and transparent accounting rules, many of which are not so instinctive in most parts of the world'.
The Governor concluded by expressing his hope that the new government would continue to educate other jurisdictions on financial best practice, and continue its commitment to foreign aid.

His speech was one of many commemorations which took place on Monday, across the 193 UN member states.