Speaker refuses to support budget

Loayreyder gobbal dy choardail rish claare argidoil

Watterson cremmey coarys folliaghtagh

Ta Loayreyder yn Chiare as Feed Juan Watterson er n'obbal dy choardail plan argidoil yn reiltys son y vlein shoh cheet.

Ayns Tinvaal moghrey Jemayrt ren yn Shirveishagh Tashtee Alfred Cannan soilshaghey magh myn-phoyntyn y chlaare argidoil Feed Cheead as Hoght-Jeig echey.

Nee lowanseyn keesh persoonagh bishaghey liorish £750 gys £13,250, as ta'n reiltys gra dy jean shen troggal seose 1,700 dy leih ass y lieen keesh.

Ta breeyn elley goaill stiagh bishaghey paart dy chooney cadjin argidoil liorish 3% er mean, penshyn steat Vannin noa lesh straih sengyl liorish Mee Averil 2019, as reaghey claareyn argidoil rere tosheeaghtyn ny rheynnyn.

Lurg oraid Mnr Cannan, ren Mnr Watterson cremmey y reiltys son gennid dy vaghtalys as dy reggyrtys ayns starr y chlaare argidoil.

AS MNR WATTERSON : Yn un red ta goll er eaishtagh rish dy firrinagh 'sy voayl shoh, shen my heiy, as cha nel mee son coardail rish y chlaare argidoil. As cha nel mee son coardail rish y chlaare argidoil derrey vees mayd scuirr veih jannoo ymmyd jeh fer jeh ny coaryssyn s'follaghtee as s'neu-chommee 'sy Cho-unnaneys. Ta'n chlaare argidoil shoh, myr dy beagh ee, cur shin ny sodjey veih oaseirys Tinvaal, as my vees shiu jeeaghyn er Claare Obbyr Eo 2, Nhee 4, Ronnaghyn 6 as 7, ta sheck bane er queig millioon punt da'n Tashtey dy scughey argid mygeayrt as dy vaarail 'syn aght t'eh gennaghtyn gyn veg y chur roish Tinvaal reesht, shen yn bun jeh shen.


Speaker refuses to support budget

Watterson slams secretive system

The Speaker of the House of Keys Juan Watterson has refused to endorse government's financial plan for the year ahead.

In Tynwald on Tuesday morning Treasury Minister Alfred Cannan revealed the details of the 2018 budget.Personal tax allowances will increase by £750 to £13,250, which government says will lift 1,700 people out of the tax net.

Other initiatives include some benefits increasing by an average of 3%, a new single-tier Manx state pension by April 2019, and priority budgeting for departments.

Following Mr Cannan's speech, Mr Watterson slammed the government for its lack of transparency and accountability on the budgeting process: