Manx Musicians hit the right note in Belfast

Kiaulleyderyn Vannin tayrn y streng kiart ayns Beeal Feirshtey

Mera Royle as possan Ímar cosney Aundyryn Kiaull Theay yn BBC

Ta speeideilys mooar er ve ec kiaulleyderyn Vannin ayns ny Aundyryn Kiaull Theay BBC Radio 2.

Chosn claaseyr Mera Royle Aundyr Kiaull Theay yn Aegid as hooar y possan Ímar Aundyr Oirr ny Cruinney ec sharmaneys ayns Beeal Feirshtey fastyr beg Jecrean.

Haink possan kiaull yn theay Alaw gys y chionechloie as enmyssaght son y chryss oc "Lisa Lân" myr cryss share tradishoonagh ny bleeaney.

Va fastyr beg ny aundyryn goll er cummal ayns Halley Cuirrey Kiaullee y Waterfront ayns Beeal Feirshtey as v'eh goll er chebbal liorish roltag Shoa Kiaull Theay BBC Radio 2, Mark Radcliffe.

Bee caa nish da Mera as Ímar cloie ayns feaillaghyn mooarey kiaull y theay trooid yn Reeriaght Unnaneysit.

Shoh y shallid hooar studeyr Scoill Grammadys Rhumsaa Mera Royle y varriaght:

AS LYNETTE FAY: Kiare enmyssaghtyn lane feeu. As ta cosneyder Aundyr Kiaull Theay Aegid yn BBC 2018 . . . ass Ellan Vannin, Mera Royle.

AS MERA ROYLE: Gura mie mooar er-lheh diu. She yindys mooar eh. By vie lhiam cur bwooise feer vooar da Eliza Carthy as Tim Van Eyken son yn chione shiaghtin ayns Kendal, as son y chooney braew hooar mee woish Yn Ellan Aym, as dy dooghyssagh da my lught-thie son cooney lhiam lesh y choorse aym choud's nish.


Manx Musicians hit the right note in Belfast

Mera Royle and group Ímar win BBC Folk Awards

There's been great success for Manx musicians at the BBC Radio 2 Folk Awards.

Harpist Mera Royle won the Young Folk Award and Group Imar picked up the Horizon Award at the ceremony in Belfast on Wednesday evening.

Folk group Alaw also made it through to the finals with their track "Lisa Lan" a nominee for the best traditional track of the year.

The awards evening was held at Belfast's Waterfront Concert Hall and presented by star of the BBC Radio 2 Folk Show, Mark Radcliffe.

Mera and Imar will now have a chance to perform at major folk festivals across the UK.This is the moment Ramsey Grammar School pupil Mera took victory: