Bad EU vote news for Island expats

Drogh naightyn son eear-chummaltee Ellanagh bentyn da votal mychione yn Unnaneys Oarpagh

My ta shiu ass y Reeriaght Unnaneyssit, as ta shiu er ve cummal ayns Mannin son ny shlee na queig bleeaney jeig, cha bee shiu abyl votal ayns refrane y Reeriaght Unnaneyssit mychione yn Unnaneys Oarpagh.

Phrow cooish leighagh sy Reeriaght Unnaneyssit dy chaghlaa ny reillyn bentyn da'n vote, ny lurg da eear-chummaltagh va cummal syn Iddaal v'er chur y lane fo'n chagliagh-traa.

Shenn sidoor Goaldagh, Harry Shindler, t'er chummal har-mooir son kiare-bleeaney jeig as feed, ren eh yn Ard-Whaiyl y hual, dy chur orroo caghlaa yn reill.

Dooyrt eh dy re neu-leighoil va ayrn jees jeh Slattys Refrane yn Unnaneys Oarpagh - hoie shen y cagliagh queig bleeaney jeig son voteyryn har-mooir.

Dooyrt Mnr Shindler dy re neu-leighoil va'n reill, er yn oyr dy lhiet eh e chairys Unnaneys Oarpagh jeh seyrsnys goll veih çheer dy heer.

Agh dooyrt y Çhiarn Vriw Lloyd Jones nagh lhiet y slattys cairys, as yioold eh yeearreydys son scrutaght briwnyssagh.

Ta keeallaghyn dy iiooar ec y vriwnys dauesyn va jerkal votal ny lurg bleeantyn cummal har-mooir, goaill stiagh sleih ass y Reeriaght Unnaneyssit ta cummal ayns Mannin.

Sleih ass y Reeriaght Unnaneyssit t'er chummal ayns Mannin son ny sloo na queig bleeaney jeig, bee ad foast abyl votal er y trass laa as feed Mean Souree.


Bad EU vote news for Island expats

If you're from the UK but have lived in the Isle of Man longer than 15 years, you won't be able to vote in the UK's EU referendum.

A court case in the UK tried to change the rules over the vote after an expat living in Italy challenged the time limit.

British war veteran Harry Shindler - who's lived abroad for 34 years - sued the UK government in the High Court to force a rule change.

He claimed Section 2 of the EU Referendum Act 2015, which set the 15-year limit for overseas voters, was unlawful.

Mr Shindler said the rule was illegal because it effectively restricted his EU right to freedom of movement.

Lord Justice Lloyd Jones, however, said the legislation didn't restrict rights and rejected an application for a judicial review.

The decision has far-reaching implications for those who were hoping to cast their votes after years abroad, including former UK residents living in the Island.

People from the UK who've lived in the Isle of Man for less than 15 years will still be to cast their ballot on June 23.