Ashford rules out immediate free prescriptions

Ta Ashford faagail magh oardrailyn lhee nastee chelleeragh

Yinnagh reaghys costal mysh £800,000

Ta'n Shirveishagh Slaynt noa gra dy jinnagh cur er bun oardrailyn lhee nastee 'syn Ellan costal bunnys £800,000 da'n rheynn echey.

Agh ta David Ashford goaill rish dy vel fir hoshee claynt sessal oddys shen ve jeant.

Ayns resoonaght Tinvaal er cummey yn Rheynn Slaynt as Kiarail y Theay 'sy traa ry heet, ren Mnr Ashford faagail magh reaghyssyn gollrish 'clist gyn tort', tra nagh nee agh hoght laghyn t'er ve ayn neayr's v'eh pointit. 

Ta Mnr Ashford gra, ec y traa t'ayn, dy vel taillaghyn son oardrailyn lhee hene cosney mysh shey cheead as feed thousane dy phuint, as eisht ta teishtyn eeckit rolaue as tooilley argid cheet stiagh voue jeh cheead as feed thousane dy phuint. T'eh gra dy vel fys echey dy vel sleih 'sy traa t'er n'gholl shaghey er vriaght mychione reirey oardrailyn lhee, etc, as dy vel myn-vrishey liorish y Rheynn soilshaghey magh dy vel shen costal mysh shey-jeig thousane dy phuint.

T'eh gra dy vel eh shickyr dy bee eh mastey ny polaseeyn s'ennoiley jeant ec shirveishagh slaynt rish bleeantyn, agh dy dooyrt eh, yn chied laa v'eh pointit, nagh beagh reaghyssyn gollrish clist gyn tort jeant oc, as shen ayns yn daa aght, chammah reaghyssyn mee-ennoil as reaghyssyn ennoil.


Ashford rules out immediate free prescriptions

Move would cost in region of £800,000

The new Health Minister says introducing free prescriptions in the Island would cost his department approaching £800,000.

However, David Ashford admits health chiefs are assessing the possibility.

During a Tynwald debate into the future shape of the Health and Social Care Department, Mr Ashford ruled out 'knee jerk' decisions just eight days after he was appointed.