Praise for Laxey flood defence work but insurance nightmare continues for some

Moylley son obbyr er coadey noi thooillaghey ayns Laksey agh doilleeid mooar lesh urryssaght tannaghtyn ayn son kuse dy leih

Daa Oltey yn Chiare as Feed son Garff cur eam er yn reiltys dy chur-rish 'y chooish neu-imraait 'sy chooylrey'

Ta daa Oltey yn Chiare as Feed son Garff er chur eam er yn reiltys dy chur-rish 'y chooish neu-imraait 'sy chooylrey' bentyn da'n urryssaght son sleih vees baghey ayns ardyn ayns gaue jeh goll er thooillaghey.

Ta kiare bleeaney er n'gholl shaghey neayr's ren ushtey brishey trooid towl ayns boalley rish yn awin ayns Raad ny Glionney ayns Laksey as magh ass shen haink thooilley myr cragh 'sy valley beg cheerey.

Neayr's shen ta mysh £7 millioon er ve ceaut er niartaghey coadey noi thooillaghey as shareaghey saaseyn jeeigey. 

Ta Daphne Caine as Andrew Smith er voylley yn obbyr jeant ec yn Rheynn Bun-Troggalys.

Agh, dinsh ad da Radio Vannin nagh vel y doilleeid lesh colughtyn urryssaght coardail rish cur taill urryssaght cooie er n'gholl ersooyl as dy vel feme er jannoo tooilley dy chooney lhieusyn orroo t'eh jannoo.

AS DAPHNE CAINE : Ta Laksey, er-lhiam, coadit feer vie nish, as cha nee agh traa nee ginsh dooin. Agh cooid elley yn Ellan as ny ardyn elley, bee eh orrin cur geill da'n chooish neu-imraait 'sy chooylrey, er y fa, cre mychione yn urryssaght son ardyn as thieyn as thalloo nagh vod geddyn eh?

AS ANDREW SMITH : Er-lhiam dy vel shen yn ynnyd bunnidagh dy ghoaill toshiaght, dy aa-hessal tayrn caslyssyn cheerey bentyn da thooillaghyn t'er ve goll er jannoo trooid yn Ellan, agh dy baghtal eh, veih'n cheu ainyn, cheusthie jeh IM4.    

Ta'n Tashtey gra, dyn y wooise da towse mooar dy argid baiht ayns saaseyn dy veeinaghey thooillaghyn as 'sy reiltys tayrn caslyssyn cheerey, dy vel eh foast ny cooish son colughtyn urryssaght er-lheh dy yannoo briwnys er-nyn-son hene tra sessal gaue as chebbal taillyn urryssaght son thieyn as thalloo er-lheh. 

Translation notes : coadey noi thooillaghey defence against flooding, but saaseyn coadee noi thooillaghey would have been another option, in the absence of an abstract phrase for flood defences    doilleeid mooar great difficulty rather than English idiomatic use of nightmare    tannaghtyn ayn remaining in     kuse dy leih literally, some of people     y chooish neu-imraait 'sy chooylrey a rather turgid and prosaic rendering of an English idiom, but perhaps there is no reason not to use yn elephant 'sy chamyr     bentyn da touching, referring to, for English over     baghey this used to be the usual word for dwelling, inhabiting, before use of cummal became more prominent about 30 years ago     goll er thooillaghey literally, going on flooding, being flooded     as magh ass shen haink literally and out of that came, for causing     thooilley myr cragh literally a flood as a catastrophe, for catastrophic flooding  saaseyn jeeigey methods/ways of draining, in the absence of an abstract word for drainage     taill urryssaght insurance premium (taill in Kelly, a tax, impost, duty)     thieyn as thalloo houses and land to express properties     tayrn caslyssyn cheerey drawing maps, in the absence of an abstract word for mapping 

Members of the House of Keys for Garff call on government to address 'elephant in the room'

Two Garff MHKs have called on government to address the ‘elephant in the room’ over insurance for people living in areas at risk of flooding.

It’s been four years since water burst through a hole in a river wall on Glen Road in Laxey leading to catastrophic flooding in the village.

Since then around £7 million has been spent on boosting flood defences and improving drainage.

Daphne Caine and Andrew Smith have praised the work which has been carried out by the Department of Infrastructure.

However, they told Manx Radio the issue of insurance companies agreeing to provide appropriate cover hasn’t gone away and more needs to be done to help those affected:

Treasury says, notwithstanding the substantial investment in flood mitigation measures and mapping by government, it remains a matter for individual insurance companies to make their own determination when assessing risk and offering premiums for individual properties.