“Feme er kiartaghey mee-hreishteil eddyr sheshaghtyn keirdey as rheynn” – Allinson
Shirveishagh ynsee freggyrt SAMSSCMY
Ta sheshaght cheirdey ny fir ynsee gobbal faaueyn dy vel ee cummal teiy mastey olteynyn er stholkey ny s’anmee ‘sy vee shoh.
Ren Reiltys Ellan Vannin cur magh fogrey naight Jemayrt (7 Jerrey Souree) gra dy row SAMSSCMY [Sheshaght Ashoonagh ny Mainshtyryn Scoill, Sheshaght Cheirdey ny Mraane Ynsee] plannal dy chummal teiy er lhisagh 478 oltey fwirran ayns scoillyn as Colleish Olloo Scoill Ellan Vannin goaill toshiaght er y jantys eddyr Mee Luanistyn as Toshiaght Arree y vlein shoh cheet.
Agh dinsh y Screeudeyr Barganey ynnydoil Geraldine O’Neill da Dollin Mercer nagh vel shen yn aght.
AS GERALDINE O’NEILL : Cha nel eh ny reaghys t’er ve jeant ec y traa shoh. Cha nel shoh veg agh saase dy aa-noaghey y teiy ain, as ec y traa t’ayn t’eh cur rish mie dy yannoo myr shoh. Cha nel veg noa ayns shoh. Ta ny arganeyn goll er foast ny arganeyn goll er, ta goaill stiagh faill, pensionyn, erraghyn obbree, polaseeyn, etc. Chammah’s shen cha nel cowrey jeh stholkey per se, she jantys agh stholkey ta shin goaill ayrn ayn ec y traa t’ayn, lesh yn reih dy chaghlaa gys stholkey, agh cha nel shin ec y cheim shen. Ta shin ec y cheim, ayn ta shin foshlit gys barganey, myr ta dy chooilley pharteeas elley, as ta shin fieau er y feeraghey shen.
Va’n shirveishagh ynsee yn Fer Lhee Alex Allinson goaill ayrn bio er Radio Vannin dy chur freggyrt.
Loayr eh rish Sian Cowper.
AS ALEX ALLINSON : Ta mee shickyr dy jinnagh ooilley ny sheshaghtyn keirdey coardail dy vel shoh er n’yannoo paart dy vee-hreishteil eddyr y rheynn as ny sheshaghtyn keirdey. Ta feme ain er kiartaghey eh, ta feme ain er reaghys cairagh ta dy feer eisht jannoo aarloo ‘sy traa ry heet son lhiasaghey nyn shirveish ynsee ayns Ellan Vannin. As ta mee shickyr dy vod mayd shen y yannoo, lesh yn aigney mie kiart veih dy chooilley heu.
Education minister responds to NASUWT
A teachers' union has denied claims it's balloting members for strike action later this month.
Isle of Man Government issued a press release on Tuesday (7 July), stating the NASUWT was planning to hold a vote on whether 478 staff members in schools and University College Isle of Man should begin the action between August and February next year.
However, the local Negotiating Secretary Geraldine O'Neill told Dollin Mercer that's not the case:
Education minister Dr Alex Allinson appeared live on Manx Radio to an issue a response.
He spoke to spoke to Sian Cowper:
Traa dy Liooar, Jelune 16oo Mee ny Nollick 2024
