Island hosts niche international programme

Ellan goltaghey claare eddyr-ashoonagh er-lheh

Çhaghteryn ass ashoonyn beggey feiy ny cruinney, haink ad gys yn Ellan ec y jerrey shiaghtin son coorse-traenal jeean, ta kiarit dy haraghey ny tarmaynyssyn oc ayns ny bleeantyn ta ry-heet.

Y Claare-Reiree Argidoil ayns Çheeraghyn Beggey, t'eh kiarail troggal oalaght mastey reireyderyn ayns steatyn ta goll er lhiasaghey.

Ta'n claare mie er enn dy h-eddyr-ashoonagh, as t'eh er chosney arrym son reiltys Vannin, ta goltaghey yn immeeaght as cur paart dy h-argid er e hon.

Adsyn ta goaill ayrn, t'ad çheet veih buill cho foddey skeaylt as yn Affrick as ny Keaynyn Caribagh, Sheealtagh as Injunagh. Hug ad toshiaght da kegeesh dy studeyrys jeean ec Thie ny Mraane Reillt ayns Doolish jea (Jemayrt, yn çhiaghtoo laa Jerrey Souree).

Fir-oik ass steatyn beggey, t'ad geearree sharaghey schleiyn ayns cooishyn myr sess-gaue, reirey lhiastynys as argid, as ve biallagh rish reillaghyn.

Ynseyderyn son y choorse, t'ad grait dy ve mastey ny h-ard chliaghteyryn as ollooyn sy teihll. T'ad gymmydey studeyryssyn jeh reddyn haghyr dy firrinagh, dy yeeaghyn da çheeraghyn beggey cre ny h-aghtyn oddys ad cur eddin rish doolaneyn cadjin.

Ta'n Ard-Shirveishagh Allan Bell gra dy vel y claare dy phohlldal deanit er chooney dy mooar lesh çheeraghyn beggey ta goll er lhiasaghey - as dy vel eh er nyannoo foays dy h-eddyr-ashoonagh da goo mie`Vannin.
 

Island hosts niche international programme

Delegates from small nations around the world arrived in the Island at the weekend, for an intensive training course designed to enhance their economies' prospects long-term.

The Small Countries Financial Management Programme aims to build expertise among financial administrators in developing states.

The programme has been widely recognised on the international stage and earned respect for the Manx government, which is hosting and part-funding the event.

Participants from as far afield as Africa, the Caribbean and the Pacific and Indian Oceans began a fortnight's focused study at the Nunnery in Douglas yesterday (Tuesday, 7 July).

The small state officials want to hone skills in areas such as risk assessment, debt and cash management, and complying with regulations.

Tutors on the course are described as some of the world's leading practioners and professors, who use real-life case studies to show small countries how they can tackle common challenges.

Chief minister Allan Bell says the programme of targetted support has been of real value to small developing countries - and has done good things for the Isle of Man's international profile and reputation.