Council losing money from temporary Loch promenade spaces

Coonceil coayl argid veih ynnydyn shallidagh er shooylaghan Loch

200 ynnyd currit liorish y Rheynn Bun-Troggalys neayr's Jerrey Gheuree

Ta Coonceil Ghoolish gra dy vel eh coayl argid veih ny pairkyn gleashtan echey, er-coontey ny ynnydyn shallidagh vees goll er chebbal ec y reiltys er cassan coshee y Hooylaghan Loch.

Ta mysh daa cheead ynnyd er ve currit liorish y Rheynn Bun-Troggalys neayr's Jerrey Gheuree mleeaney, ayns ynnyd jeh coayl ny jeih ynnydyn as daeed  er-coontey y skeim son y chooylaghan.

Ta'n eiyrtys jeh rateyn-ymmydee tuittym ayns ny three meeaghyn shoh chaie ayns pairkyn gleashtan Scroig y Voteil, Straid Chester as Straid Drumgold, ta goll er stiurey ec y Choonceil, as coayl ynnyd cheet-stiagh magh ass shoh.

S'lesh y reiltys ta'n daa heyraad jerrinagh agh t'ad goll er stiurey ec y lught-reill ynnydoil rere coardail kied.

Ren Leideilagh y Choonceil David Christian cur raue foddee dy ren geddyn rey rish pairkal nastee Jedoonee ayns Straid Chester as Scroig y Voteil er n'yannoo er ymmyd ny laareeyn.

Cha row agh 29 per cent jeh ny ynnydyn ayns Straid Chester er nyn gummal trooid Mee Voaldyn, ren cur er y Choonceilagh Ritchie McNicoll dy ghobberan:

'Oddagh shiu cur er mayl lieh-ayrn y phairk gleashtan son roortys bluckan coshey ny keayrtyn... s'agglagh eh.'

Ta'n Coonceil er reaghey dy hirrey cooilleeney veih'n Rheynn Bun-Troggalys son y choayl, liorish cur argid ass y tailley kied son ny laareeyn Straid Drumgold as Chester.

T'eh shirrey neesht dy vel y rheynn cur lhiettrymys er yn earroo dy ynnydyn t'eh dy hebbal er cassan coshee y Hooylaghan Loch, ny dy vel eh geeck reesht da'n lught-reill ynndydoil rere shen.  

200 spaces provided by Department of Infrastructure since January

Douglas Council claims it's losing money from its car parks, due to the temporary spaces offered by government on Loch Promenade walkway.

Around two hundred spaces have been provided by the Department of Infrastructure since January this year, to replace the loss of fifty spaces caused by the promenade scheme.

It's resulted in falling occupancy rates over the last three months at the Council-run Bottleneck, Chester Street, and Drumgold Street car parks, and a subsequent loss of revenue.

The latter two facilities are owned by government but are run by the local authority under a licence agreement.

Council Leader David Christian cautioned that the scrapping of free Sunday parking at Chester Street and the Bottleneck may also have impacted use of the sites.

Only 29 per cent of the spaces at Chester Street were occupied through May, which caused Councillor Ritchie McNicoll to lament:

'You could rent out half of the car park for footy practice at times... it's dreadful'.

The Council has resolved to seek compensation from the DOI for the loss, by way of a rebate from its licence fee for the Drumgold and Chester Street sites.

It's also requesting the department limits the number of spaces it's offering on the Loch Promenade walkway, or pays back the local authority accordingly.