'Cha nod bolganyn goll er poleeney dy kiart' ard shirveishagh goaill rish
Feme er gobbraghey rere 'treisht' as Howard Quayle
Ta'n ard shirveishagh er n'ghoaill rish dy bee eh bunnys neu-phossible dy pholeeney 'bolganyn' coonee ec sleih.
Ta Howard Quayle gra dy vel feme er cur er bun moggyl coonee son sleih lioroosyn hene gobbraghey rere treisht.
Ta bolganyn, lesh un lught-thie elley, lowit nish son sleih ta cummal nyn lomarcan ny son paarantyn sengyl as feme oc er cooney elley.
Agh ta Mnr Quayle gra my vees drogh ymmyd jeant jeu dy jean y reiltys 'cur smaght er y chooish'.
AS HOWARD QUAYLE : Cha nod shiu goll mygeayrt yn thie ec dy chooilley pheiagh coontey as briaght, s'baghtal eh. My vees peiagh ennagh as ta kuse dy leih oc mygeayrt 'sy thie oc, ny my vees shiu fakin giens goll er cummal, bee ny meoiryn shee abyl dy fakin nagh vel shen un lught-thie ynrican cheet dy ve co-vestit rish un pheiagh t'ayns gaue. Myr shoh, bee cowraghyn cronnal mychione ny vees ry yannoo eu.
Agh cha nod shiu poleeney shoh dy kiart, as cha nel shin jerkal rish ny meoiryn shee ain dy ve abyl dy pholeeney shoh dy kiart. Ta feme er paart dy hreisht ve ayn. Agh myr dooyrt mee ayns my ghoan foslee, my vees drogh ymmyd jeant jeh, eisht bee feme ain er jeeaghyn er reesht.
Must work on 'trust' says Howard Quayle
The chief minister has admitted it will be near impossible to police people’s support ‘bubbles’.
Howard Quayle says the introduction of a support network for isolated people must work on trust.
Bubbles, with one other household, are now allowed for people who live alone or for single parents who need additional support.
But Mr Quayle says if they are abused government will ‘crack down’:
Traa dy Liooar, 21ed Mee Averil 2024
