Beamans report 'vindicates' unions' actions – National Association of Head Teachers

Tuarastyl Beamans 'prowal dy vel oyr' son jantyssyn sheshaghtyn keirdey – Sheshaght Ashoonagh ny Hard Fir Ynsee

Shirveishagh ynsee cheet er cochianglys myr 'freaynagh'

"Obbree-jee marin."

Shen y chaghteraght veih sheshaght cheirdey ny fir ynsee, lurg da tuarastyl ceau ard soilshey er cochianglys 'scoltit' eddyr y rheynn ynsee as scoillyn Vannin.

Va aa-scrutaght neu-chrogheydagh er ny chlou Jecrean (23 Mean Fouyir), scruit ec colught coyrlee er reireydys Beamans, er yeearree yn ard shirveishagh.

Ta Rob Kelsall, jeh Sheshaght Ashoonagh ny Hard Fir Ynsee, gra dy vel eh prowal ny v'ad gra er dy rieau:

AS ROB KELSALL : Oddin's gra dy vel eh cur corree orrym tra t'ou fakin aa-scruteyder neu-chrogheydagh cur shen stiagh ayns tuarastyl. Cha nel eh agh cowraghey magh dy chooilley red ta shin er ve ghra. As ny ta shin geearree jannoo nish, ayns rieughid, shen dy ghra rish y reiltys, 

"Jeeagh-jee, nar lhig dooin lowal shoh arragh dy haghyr reesht, nar lhig da stayd y ve ain as t'eh cur er ard leeideilee stiurey ny scoillyn ain goaill ayns laue sorchyn dy yantys dy jean sleih soie seose as goaill tastey. Myr shoh, eaisht-jee rish fir phrofeshoonagh ynsee – obbree-jee marin."

Cha daink yn Shirveishagh Ynsee yn Fer Lhee Alex Allinson stiagh 'syn oik derrey lurg da'n tuarastyl ve er ny oardaghey.

Agh t'eh gra dy vel eh er nakin feanish jeh'n chochianglys freaynagh t'ayn:

AS ALEX ALLINSON : Atreih, choud's ta mee er ve my Hirveishagh ta mee er nakin shoh, as shen yn oyr ta mee goltaghey y tuarastyl shoh. Er-lhiam dy nee sess ynrick eh jeh ny doolaneyn t'er ve fo'n rheynn, as jeh kuse jeh ny cooishyn t'er chur er paart jeh'n anaash t'er ve ayn 'sy phrofeshoon ynsee. 

As ny ta feme ain jannoo nish, shen dy ymmydey y tuarastyl shoh my claare-chlistal ry hoi caghlaa, ry hoi co-obbraghey, as ry hoi shareaghey ny shirveishyn ain.  

Education minister describes relationship as 'turbulent'

"Work with us."

That's the message from a teachers' union, after a report highlighted a 'fractured' relationship between the education department and Manx schools.

An independent review was published on Wednesday (23 September), authored by management consultant Beamans, at the request of the chief minister.

Rob Kelsall, of the National Association of Head Teachers, says it proves what they've been saying all along.

Education Minister Dr Alex Allinson only came into post after that report was commissioned.

But, he says he has seen evidence of the turbulent relationship.