'We're listening' - Ashford promises ME support

'Ta shin geaishtagh' - Ashford cur gialdyn er pohlldal rere ME

Shirveishagh slaynt cur coontey giare jeh plannyn lurg resoonaght Tinvaal

Ta Kiarail Vannin gobbraghey dy chooney lesh surransee ME 'syn Ellan dy gheddyn cooney 'ayns yn ard oc hene'.

Shen woish yn Shirveishagh Slaynt as Kiarail y Theay David Ashford lurg resoonaght liauyr mychione y chingys veayn ayns Tinvaal. 

T'eh gra dy jean yn Rheynn Slaynt as Kiarail y Theay jeeaghyn er traenal fir lhee dy chooney lhieu cur enn er ME ec keim moghey, chammah's pointeil 'Fer Lhee Cadjin roortagh' dy aghtey myr ynnyd meanagh son pohlldal.

Ta Mnr Ashford er hirrey leshtal dy vel traa cho liauyr er ve ceaut er reaghey cooney.

AS DAVID ASHFORD : Tra haink mee dy ve my hirveishagh va cheb son claare argidoil er ny chur stiagh ayn, va dean ayn dy lhiasaghey shirveish, yn shirveish shen, agh dy ve lane jeeragh, cha row ee er ny lhiasaghey 'syn aght va sleih jerkal rish dy beagh ee, as myr ta mee gra, eisht va buillaghyn elley. Agh er-lhiam, ny t'er jeet magh ass shoh, nagh vel shin goll sheese y raad gys shirveish er ny leedeil ec fer lhee coyrlee 'syn aght shen. Bee cochianglyssyn ain stiagh ayns Leyrphoyl, stiagh 'syn RU [Reeriaght Unnaneysit], son cooney ny fir lhee er-lheh ocsyn, as yn ablid neesht dy chur eam son cooney er-linney tra vees feme er shen, agh shen dy ghra, er-lhiam dy jean mayd geddyn shirveish vees goll ny smoo harrish ooilley as vees jeeraghey foddey ny smoo er ymmyderyn.  

Ta fir lhee chadjin gollrish yn Fer Lhee Helen Greig gra dy vel ad feme coyrle oayllee roish my vees ad abyl dy chur lheiys da surransee ME.

AS HELEN GREIG : By vie lesh ymmodee jin ta nyn vir lhee chadjin, goaill stiagh mee hene, enn lhee vees goll er leeideil ec fer lhee coyrlee, as chammah's shen pohlldal dy yannoo shickyr nagh vel shin cur far-enn er as dy vod mayd tannaghtyn lesh goll er oai lesh kiarail cooie son yn sleih shoh, my vees lheiyssyn cheet dy ve ayn. As ny keayrtyn foddee dy vel feme er eaishtagh rish fer lhee coyrlee.

Health minister outlines plans following Tynwald debate

Manx Care is working to help the Island's ME sufferers get support 'on the ground'. 

That's from Health and Social Care Minister David Ashford, following a lengthy debate on the chronic illness in Tynwald.

He says the DHSC will look at training doctors to help them identify ME at an early stage, as well as appointing a 'GP champion' to act as a central point for support.

Mr Ashford has apologised that it's taken so long to provide help.

GPs like Dr Helen Greig say they need expert advice before they can treat ME patients.