'S'cosoylagh eh dy bee cur rish mooynlagh ny cooish ard scanshoil ayns reihys'
Barrantagh gra dy nee tosheeaght vees feaysley y cront
Ta barrantagh Garff credjal dy bee cur rish mooynlagh ayns Laksey ny cooish ard scanshoil ayns ny reihyssyn mleeaney.
Ta teiyderyn dy yannoo briwnys er olteynyn y lught-reill ynnydoil as y reiltys meanagh tra vees ad goll gys y chishtey teiy ny s'anmee 'sy vlein shoh.
Ta Bun-Shirveishyn Vannin ec y traa t'ayn cur cooidjagh plannyn noa son geddyn rey rish mooynlagh 'sy hiar lurg da plannyn toshee v'er nyn n'yiooldey nurree.
Ta Jamie Smith credjal dy vel feaysley y cront jannoo seose tosheeaght son ymmodee sleih:
AS JAMIE SMITH : Yinnin v'er hreishteil, cheusthie jeh hoght meeaghyn jeig, lhig dooin gra jerrey 2022. Ta shen dy ghra dy vel shin currit ergooyl liorish cubbyl dy vleeaney, agh er-lhiam dy jinnagh cummaltee ynnydoil soiaghey jeh, dy gheddyn ushtey faarkee glen ayns Baie Laksey as dy beagh feaysley cho mie son obbraghyn glennee sornaigys as oddys ve ain, dy beagh shen cumrail cooie. Veign's son shickyrys maynrey dy hassoo seose as dy ghra,
"She, va mish jannoo seose paart jeh'n oyr son yn chumrail shen, agh 'sy traa sodjey dy bee eh feeu."
Commissioner says resolving problem is priority
A commissioner in Garff believes sewage treatment in Laxey will be a key issue at this year's elections.
Voters are set to decide both local authority and central government members when they head to the ballot box later this year.
Manx Utilities is currently coming up with new plans for sewage disposal in the east after its initial plans were rejected last year.
Jamie Smith believes resolving the issue is a priority for many:
Traa dy Liooar, 8oo Mee Averil 2024
