New ministerial role 'not related to pay dispute'

Paart noa myr shirveishagh 'neu-chianglt rish argane er faill'

Graham Cregeen cur freggyrt da ve pointit da cooishyn sthie

Ta'n shirveishagh cooishyn sthie noa-phointit shassoo er nagh vel y paart noa echey er jeet myr eiyrtys yn argane er faill ny fir ynsee.

Ta Graham Cregeen faagail yn oik echey myr shirveishagh ynsee dy ghlackey currym er yn Rheynn Cooishyn Sthie.

Ren olteynyn ny three sheshaghtyn keirdey ta cochianglt rish argane foast goll er rish yn Rheynn Ynsee, Spoyrt as Cultoor, coardail rish teiy er y gherrid nagh row barrant oc er Mnr Cregeen.

T'eh gra nagh vel y caghlaa shoh cochianlt rish.

AS GRAHAM CREGEEN : Cha nel eh cochianglt rish y linney lhiggee as argane rish ny fir ynsee . . . 

AS JOHN MOSS : Agh t'eh traa caaoil, nagh vel? T'ou cur peiagh ennagh stiagh ayns shen as foddee cur lesh barel noa er ny barganaghyn shoh.

AS GRAHAM CREGEEN : Cha nel, er yn oyr dy vel y firrinys eh, myr politickeyr, cha nel mee er ve cochianglt rish ny barganaghyn er faill. As she'n red bwooisal eh dy vel ny sheshaghtyn keirdey er choardail dy jean ad cheet quail mairagh rish [MIRS] Shirveish Cochianglyssyn Jeadyssagh Vannin. 

Ta Oltey yn Chiare as Feed son Rhumsaa yn Fer Lhee Alex Allinson goaill ynnyd Mnr Cregeen ayns yn Rheynn Ynsee, Spoyrt as Cultoor.

Graham Cregeen reacts to home affairs appointment

The newly-appointed home affairs minister insists his new role hasn't come as a result of the teachers' pay dispute.

Graham Cregeen leaves his post as education minister to take charge of the Department of Home Affairs.

Members of three unions involved in an ongoing dispute with the Department of Education, Sport and Culture recently backed a vote of no confidence in Mr Cregeen.

He says this move isn't connected:

Ramsey MHK Dr Alex Allinson replaces Mr Cregeen at the Department of Education, Sport and Culture.