Island 'still about' safest place in Britain

Ellan 'foast mysh' boayl smoo sauchey ayns Cheer ny Goal

Meihaghey yn Ard-Veoir Shee choud's ta tuarastyl bleinoil currit roish Tinvaal

Ta'n Ard-Veoir Shee gra dy vel eh 'cho shickyr as oddagh eh y ve' dy vel Ellan Vannin ny lught-reill smoo sauchey ayns ny Hellanyn Goaldagh.

As eh cur trimmid er ny doolaneyn fo ny meoiryn shee 'sy tuarastyl bleinoil echey, ren Gary Roberts recortey caghlaa veih keintyn tradishoonagh dy loghtyn gys jannoo loght ayns aght s'crontee.

Ren eh meihaghey neesht trimmid dy loghtyn as ren eh goaill tastey jeh'n eiyrtys jeh sollaghey keintyssagh er pobble yn Ellan.

'Sy vriwnys echey, ren Mnr Roberts gra dy vel Ellan Vannin 'foast mysh' ny smoo sauchey na ny naboonyn Goaldagh echey.

Ta'n tuarastyl bleinoil, nee ve currit roish Tinvaal, ry gheddyn son y theay dy akin er ynnyd eggey Tinvaal.

AS YN ARD-VEOIR SHEE ROBERTS : Ta ny counteeyn smoo sauchey ayns Sostyn as 'sy Vretin mygeayrt Cheshire, Surrey as Dyfed-Powys. My vees oo cur eab er towse kimmeeys as towse assee jeant liorish kimmeeys, s'cosoylagh eh dy vel eh nish eddyr three ny kiare keayrtyn ny sauchey ayns shoh na t'eh ayns Sostyn as 'sy Vretin. 

Ta injillaghey er jeet er kimmeeys ayns Jersey as Guernsey, agh cha nel adsyn derrey nish er ve jannoo ymmyd jeh ny saaseyn cheddin dy recortey kimmeeys. Ta shinyn jannoo ymmyd jeh ny saaseyn cheddin as ny reillyn cheddin er coontey as ayns Sostyn as 'sy Vretin. Nee'n jalloo oc jeh kimmeeys caghlaa mooar dy liooar, as er-lhiam dy jean kimmeeys ayns Guernsey er-lheh caghlaa dy mooar. 

Myr shoh ta mee cho shickyr as foddym's y ve dy vel shin y fer smoo sauchey jeh ny lughtyn-reill ayns ny Hellanyn Goaldagh. 

Chief Constable's assessment as annual report laid before Tynwald 

The Chief Constable says he is as 'sure as he can be' the Isle of Man is the safest jurisdiction in the British Isles.

Stressing the challenges facing the police in his annual report, Gary Roberts recorded a shift from traditional forms of crime to more complex offending.

He also measured the severity of offences and noted the impact sexual assault poses to the Island's community.

In his conclusion, Mr Roberts stated the Isle of Man is 'still about' safer than it's British neighbours.

The annual report, which will be laid before Tynwald, is available for public viewing on the Tynwald website.