On Air Night Flight | Midnight - 6:00am

'Invest in schools' says NAHT, as minister pleads 'work with us'

'Baih argid ayns scoillyn" ta SAAFY gra, choud's ta shirveishagh gwee, 'jean-jee obbraghey marin'

Sheshaght cheirdey cur eam er reiltys dy vaih argid roish jantys jeadyssagh agh stholkey

Ta sheshaght cheirdey ynsee cur eam er y reiltys dy vaih argid ayns scoillyn Vannin myr tosheeaght dy yannoo shickyr jeh tarmaynys lajer 'sy traa ry heet.

She Rob Kelsall ta screeudeyr ashoonagh Sheshaght Ashoonagh ny Ard Ir Ynsee, ta er veeraghey dy bee 'jantys jeadyssagh agh stholkey' 'sy chiaghtin goaill toshiaght 7 Mean Fouyir.

Shoh choud's ta'n vlein academoil noa goaill toshiaght.

As eh loayrt er eiyrtys y phandemagh coronvirus, ta Mnr Kelsall gra dy nee nish ta traa lane femoil dy vaih argid 'sy choarys ynsee.

AS ROB KELSALL : Ta feme ain er baih argid ayns ynsagh, t'ou toiggal. Ta ny paitchyn as yn aegid t'ayn jiu, ny scoillyn t'ayn jiu, tarmaynys yn Ellan 'sy traa ry heet. Mannagh vel shin jannoo shen, t'ou toiggal, dy bunnidagh cha bee mayd abyl, t'ou toiggal, dy ve speeideilagh. 

Myr shoh, ta'n coardail ayns shen dy ve jeant, cha nel dooyt erbee 'syn aigney aym. As reesht, ta shin er ve goaill ayrn ayns ny barganeyn shen as ymmodee myn-phoyntyn, rish yn daa vee jeig shoh chaie nish, as reesht, ta shin feddyn dy vel shin, t'ou toiggal – ta shin er ve 'sy stayd shoh ymmodee keayrtyn roish nish – raad ta aigney politickagh ayn, ta saase ayn.

Ec y traa cheddin ta'n shirveishagh ynsee greinnaghey ard ir ynsee dy obbraghey rish y rheynn, er-lheh lurg Covid-19 as boirey lesh eiyrtyssyn ny scrutaghtyn.

Ta'n Shirveishagh Alex Allinson gra dy vel eh treishteil dy jean leeideilee scoill soilshaghey magh aigney mie choud's arryltagh ta'n eam son jantys.

AS ALEX ALLINSON : Nee obbyr rere reillyn erbee dy neu-haghnagh jannoo er yn aght ta'n scoill gobbraghey, nee dy neu-haghnagh jannoo er yn aght ta shin gobbraghey ry cheilley. Agh ny t'ad er n'ghra, shen dy vel ny jantyssyn shoh agh stholkey arryltagh, myr shoh ny ta mee gra ayns rieughid rish ny fir ynsee ayns Ellan Vannin,  shen 'Jean-jee obbraghey marin, my sailliu.' Ta towse mooar dy obbyr ain ry yannoo. Myr shoh ta mee shirrey er fir ynsee Ellan Vannin dy cho-obbraghey marin car ny ta traa lane femoil dy feer son ynsagh ny paitchyn ain.

 

Union calls on government to invest ahead of industrial action short of strike

A teaching union is calling on government to invest in Manx schools as a priority to secure a strong future economy.

Rob Kelsall is the national secretary of the NAHT (National Association of Head Teachers), which has confirmed 'industrial action short of strike' in the week beginning 7 September.

It's as the new academic year begins.

Speaking on the impact of the coronavirus pandemic, Mr Kelsall says now is an essential time to invest in the education system.

Meanwhile, the education minister is urging head teachers to work with the department, especially after Covid-19 and the exam results disruption.

Minister Alex Allinson, speaking with Tim Glover, says he hopes school leaders will show good faith as the call for action is voluntary:
 

More from Manx Gaelic