Fir Lhee Chadjin feme cooney dy oardaghey kennip lheeyssagh – Ashford
Shirveishagh Slaynt jeean dy haghney doilleeidyn v'ayn ayns buill elley
Ta'n shirveishagh slaynt shassoo er dy nee scanshoil eh dy yannoo shickyr dy vel Fir Lhee Chadjin traenit dy oardaghey kennip, my vees surransee ayns shoh dy ve lowit entreilys da'n druggey.
Va ny eiyrtyssyn jeh coyrleyn scrutee er kennip lheeyssagh as kennip jeidyssagh clouit er y gherrid, as ren yn chied jeu soilshaghey magh dy vel ny smoo na'n lieh ayrn dy freggyrtee geearree y druggey dy ve ry gheddyn trooid potecareeyn credjoonit.
Ta kuse dy hurransee 'sy Reeriaght Unnaneysit er gheddyn magh dy nee doillee eh geddyn kennip, ny yei dy vel kied ec fir lhee choyrlee er-lheh eh y oardaghey ayns shen neayr's y vlein shoh chaie.
Cha nod Fir Lhee Chadjin 'syn RU shen y yannoo ec y traa t'ayn, gyn cosney qualleeaght elley.
Ta David Ashford gra dy nee scanshoil eh dy chooney lesh y fer lhee profeshoonagh.
AS DAVID ASHFORD : Ny nagh vel shin laccal, shen jannoo reesht ny marranyn haghyr ayns cheeraghyn elley, raad t'ad er n'ghra dy vel kied dy oardaghey eh ec eaghtyr y fer lhee cadjin. Agh ny t'ad dy gheddyn, shen nagh vel fir lhee chadjin erbee goardaghey eh, er-yn-oyr nagh vel ny fir lhee chadjin hene gennaghtyn souyr shen y yannoo. Myr shoh, shegin dooin jannoo shickyr dy vel dy chooilley red cooney lesh y cheilley. As ga dy vel shen ny keayrtyn jannoo ny smelley y starr, dy vel sleih feddyn tarmestagh eh, my vees shin dy yannoo, shegin dooin eh y yannoo dy kiart. Shegin dooin jannoo shickyr dy vel ny reillyn cooie cummal seose shin, as neesht dy vel y lught lhee goll er coyrlaghey lesh as er cummal seose.
Ec y traa cheddin, ta troddaneyr son kennip jeidyssagh Bob Comish jeant magh lesh eiyrtyssyn y choyrle scrutee.
AS BOB COMISH : My te, ta'n freggyrt shen, dooys, t'eh lane niartal, s'yindyssagh eh, dy akin y freggyrt shen t'er jeet veih'n theay, as son y theay dy chredjal, dy vel ad fakin mieys y troar shoh son ny t'eh dy feer, as ny fod mayd jannoo lesh. Ta wheesh fod mayd jannoo lesh kennip jeidyssagh. Ta shin ayns stayd nish, t'ou toiggal, lesh plastagh feiy ny cruinney as y lheid, foddee shiu jannoo plastagh ass kennip jeidyssagh ta bea-leodaghey. Ta ymmodee reddyn – diesel glen - foddee shiu obbraghey ymmodee reddyn lesh kennip jeidyssagh. Er-my-hon, dy persoonagh, t'eh fer jeh ny reddyn son ta mee er ve streeu rish blein dy lieh nish. Dy akin y freggyrt shen, t'eh lane yindyssagh.
Health Minister keen to avoid problems encountered elsewhere
The health minister insists it's important to make sure GPs are trained to prescribe cannabis, if patients here are to be given access to the drug.
The results of consultations on medicinal cannabis and industrial hemp were published recently, the former of which revealed more than half of respondents want the drug to be available through accredited dispensaries.
Some patients in the United Kingdom have found it difficult to obtain cannabis, despite specialist consultants being able to prescribe it there since last year.
GPs in the UK currently can't do so, without gaining an extra qualification.
David Ashford says it's important to support the medical professional:
Meanwhile, industrial hemp campaigner Bob Comish is delighted with the results of the consultation:
Traa dy Liooar, 8oo Mee Averil 2024
