On Air Manx Radio Breakfast Ben Hartley & Siobhan Fletcher | 7:30am - 9:30am

Decline in breastfeeding concerns Public Health

Tuittym ayns beaghey kee cur imnea er Slaynt y Theay

Rheynn greinnaghey moiraghyn noa dy hannaghtyn lesh beaghey dooghyssagh

Ta earroo bishaghey dy voiraghyn noa reih formula shaghey beaghey kee.

Shen rere Michelle Poyzer, Ard Oaseir son Shareaghey Slaynt da Slaynt y Theay.

Ta'n rheynn geabey cur er y hoshiaght beaghey kee 'sy thie lheiys, lurg da fysseree er y gherrid soilshaghey magh nagh vel agh 70% dy voiraghyn noa reih beaghey nyn baitchey 'syn aght shoh.

Ga dy vel shoh jeeaghyn dy ve ny earroo ard, ta Ms Poyzer gra dy vel eh soilshaghey magh tuittym ard-chooishagh.

AS MICHELLE POYZER : Myr shoh, ny laghyn toshee shen dy veaghey kee, t'ad doillee, as ta sleih feme cooney mygeayrt-y-moo - vel shen woish mraane freaylt, vel shen woish mooinjer, vel shen woish deiney poosee, myrneenyn, shenn phaarantyn, quoi erbee - dy chur eab er: t'eh dy feer cho scanshoil. 

Formula, cho mie as t'eh - as ta mee toiggal dy vel kuse dy leih feddyn feer doillee eh dy veaghey kee - cha nel ny myn-ayrnyn cheddin ayns formula as t'ayns bainney kee. Foddee nagh vel eh cur y lhiannoo fo raad son traa ry heet cho mie as my vees oo abyl dy chur eab er beaghey kee.

 

Department urges new mothers to persist with natural feeding 

An increasing number of new mothers are choosing formula over breast feeding.

That's according to Michelle Poyzer, Senior Health Improvement Officer at Public Health.

The department is trying to promote breastfeeding in hospital, after recent figures show only 70% of new mothers choose to feed their child this way.

Though a seemingly high number, Ms Poyzer says its represents a dramatic drop.
 

More from Manx Gaelic