Ashford warns of health spending impact

Ashford cur raaue mychione eiyrtys jeh baarail er slaynt

£5.5 millioon elley son RSKT (Rheynn Slaynt as Kiarail y Theay)

Ta'n shirveishagh slaynt as kiarail y theay er chur failt er frea da'n rheynn echey ayns Claare Argidoil Vannin s'noa, agh hug eh raaue noi'n eiyrtys oddagh cheet ass shen er ayrnyn elley y reiltys.

Dooyrt David Ashford dy jinnagh £5.5 millioon dy argid elley currit liorish yn Tashtey son 2018/19 cooney dy streeu rish spaarail rour reesht as reesht er kiarail slaynt, chammah's lesh aa-scrutaght goaill stiagh ooilley er yn aght va shirveishyn goll er eeck er-nyn-son.

Ta ny shlee na £20 millioon er ve currit da'n Rheynn Slaynt as Kiarail y Theay ayns argid elley veih'n reiltys ayns yn daa vlein chaie, chammah's bishaghey er mysh £10 millioon 'sy chlaare argidoil nurree.

Agh dooyrt Mnr Ashford neesht nagh lhisagh cooney elley cheet ec costys da ardyn elley:

AS MNR ASHFORD :  My vees y chirveish claynt tannaghtyn lesh yrjaghey 'sy chostys eck, shegin dooin ve rieughagh. My haghyrys shen, eisht s'cosoylagh eh dy beagh drogh-eiyrtys er rheynnyn elley. Nish, nee kiart eh, my vees saase neu-fondagh eu 'sy chirveish claynt, dy vel ardyn elley y reiltys, ta cooilleeney shirveishyn da'n theay, surranse dy firrinagh er coontey shen? Rere my varel hene, Vnr Eaghtyrane, ta'n freggyrt voym nagh nee - cha nee kiart eh.


Ashford warns of health spending impact

Additional £5.5 million for DHSC

The health and social care minister has welcomed a boost for his department in the latest Manx Budget, but warned against the effect it could have on other parts of government.

David Ashford said £5.5 million of additional funding allocated by Treasury for 2018/19 would help fight the recurring overspend in healthcare, in addition to a comprehensive review of how services were paid for.

More than £20 million has been given to the Department of Health and Social Care in extra government funding over the last two years, in addition to an increase of around £10 million in last year's budget.But Mr Ashford also said extra help should not come at the expense of other areas: