Allinson hails abortion bill's progress through parliament

Allinson bannaghey rish billey rey torraghys goll er oaie trooid ard whaiyl

Billey nish cheet gys keim-oltyn

Ta Oltey yn Chiare as Feed as ta troddan echey dy lhiassaghey leigh Vannin er rey torraghys er vannaghey rish ny t'eh cheet er myr keayrt 'frioosagh' son y cheer.

Jemayrt (30oo) ayns yn Chiare as Feed, va'n nah lhaih ec y Villey Lhiassaghey Rey Torraghys 2018 lesh dagh oltey eh y phohlldal.

Hed y billey gys y cheim-oltyn y vee shoh cheet, lurg da treealtys liorish Chris Robertshaw dy chur y Billey gys bing failleil.

Ta'n Oltey ass-lieh Rhumsaa, yn Fer Lhee Alex Allinson, gra dy vel yn aght ta'n theay er n'ghoaill greim er y voraltaght bentyn rish lhiassaghey rey torraghys, lesh caghlaaghyn barel, er ve dy mooar ny cooish yarrooagh.

T'eh er voylley Olteynyn son mieys y resoonaght va goll er cummal 'sy whaiyl.

YN FER LHEE ALLINSON: Tra t'ou geddyn yn sorch dy resoonaght, y creenid, y resoonaght lesh fys mie v'ain, s'baghtal eh dy vel sym firrinagh dy yannoo yn red kiart dy chaghlaa ny leighyn ain dy vel ad cur arrym da cairyn ec mraane torragh 'syn Ellan, as eisht cur eab er kiartaghey y mee-chormid, lesh feme er mraane goll hoon gys yn RU son kiarail slaynt, lhisagh dy feer ve ry yannoo ayns shoh.

Shoh toshiaght t'ayn. Ta'n keim-oltyn ain. Y billey va currit roish jiu, nee eh caghlaa, bee coardailyssyn ayn, bee lhiassaghyn ayn, agh fy yerrey my vees briwnys co-aignagh son caghlaa jarrooagh er oaie, er-lhiam dy vel shen jannoo seose red mie.


Allinson hails abortion bill's progress through parliament

Legislation now moves to clauses stage


The MHK campaigning for reform of Manx abortion laws has hailed what he's described as a 'momentous' occasion for the country.

On Tuesday (30th) in the House of Keys, the Abortion Reform Bill 2018 received its second reading with the unanimous support of members.

The legislation will now pass to the clauses stage next month, after a motion by Chris Robertshaw to have the Bill referred to a committee failed.

Ramsey member Dr Alex Allinson says public engagement with the ethics of abortion reform, from those with a variety of viewpoints, has been a major positive. He's also praised members for the quality of the debate held within the court.

 

 

More from Manx Gaelic